KALIBO, AKlan—Nagpanawagan ro Scene of the Crime Operatives ukon SOCO-Aklan sa mga nakasaksi ukon may kasayuran sa natabu nga pagbaril-patay kay dating sanggunuiang bayan member John Rondario it banwa it Malinao nga makipag-bueuligan sa mga otoridad.
Suno kay P/Staff Sgt. Delbert Adoc it SOCO-Aklan nga ginahueat pa nanda ro resulta it post mortem examination agud nga madetermina ro mga nina nga naagum it biktima.
Mag-eowas kara, ginpaidaeum man imaw sa paraphin test agud nga masayuran kon nakapaeupok raya it baril.
Apang ginklaru ni Adoc nga owa sanda it narekober nga baril it biktima.
Narekober sa lugar ro ap-at nga basiwo it kalibre 45 nga baril ag sangka live ammunition.
Sa makaron hay owa pa it ginatumod nga persons of interest ro kapulisan.
