-- ADVERTISEMENT --
KALIBO, Aklan— Pagabutangan it poste nga may solar powered lighting facilities ag portable toilets sa isla it Boracay.
Ro nasambit nga proyekto it Local Government Unit (LGU)-Malay ag Philippine Amusement and Gaming Corporation (PAGCOR) hay nagabalor it kapin sa 5 million pesos.
Ro pag-install it nagakaigo nga iwag sa vegetation areas eabi eon sa mga madueom nga lugar hay makasiguro sa kaeowasan ag seguridad it mga turista ag bisita ag mas pang mapamayad ro kalinong ag kaayusan sa isla.
Mabahoe man sigon nga bulig sa mga turista ro mga portable toilets nga igabutang sa mga strategic areas.
Suno sa PAGCOR nga ro nasambit nga kambal nga proyekto hay nagakabagay sa development programs it lokal nga gobyerno ag rehabilitation efforts sa Boracay.
-- ADVERTISEMENT --
