KALIBO, Aklan — Arestado ro sangka soltero nga naga pangatubang sa kasong pagpanghimueos sa sangka 10 dag-un nga nobya sa Brgy. Lupo, Altavas, Aklan.
Gin kilaea ro akusadong si Chill Catuiran, 18, ag residente it nasambitang lugar.
Gin pamilit it soltero nga may naga patungang relasyon kanda it biktima.
Sa kamatuoran sigon hay nasayuran it ginikanan kara ro andang relasyon.
Aminado man si Catuiran nga sang beses eamang kara nga gin tabing ro unga apang, pareho sigon nanda rayang ginusto.
Gin pahayag dugang pa it akusado nga sang beses nga nadakpan sanda it mga ginikanan it biktima samtang naga hieawas ag owa kara gin eaum nga pasakaan imaw it kaso it pamilya kara.
Ro kasong rape hay gin pagowa ni Judge Juana Judita P. Panigbatan-Nafarrete, acting Presiding Judge itRTC-6 Judicial Region Branch 30.
Sa kustodiya eon it kapulisan si Catuiran ag nakataeanang iturn-over sa natungdan nga korte.
