KALIBO, Aklan — Naga kumahog makaron ro provincial government nga mausoyan it permanenteng solusyon ro masaming pagbaha sa isla it Boracay.
Raya matapos maka-eksperyensiya it masaming pagbaha sa isla it Boracay.
Nauna kara, nakipagkita ag nakipagpueong si Governor Florencio Miraflores sa Engineering District it Department of Public Works and Highways (DPWH) ag Provincial Engineers Office ag tinalakay ro naging problema sa masaming pagbaha sa magkaeain-eain nga lugar sa isla.
Sambilog ro Boracay sa mga grabeng naaapektuhan it grabeng pagbaha daea it bagyong Urduja kun siin umabot hasta it hawak ro tubi.
Gusto karang iprayoridad ro pagresolba sa mga pagbaha bangud mabahoe sigon ro impact ag epekto kara sa industriya it turismo ag sa mga residente.
Samtang, paga umpisahan makaron nga buean it Enero it Tourism Infrastructure Economic Zone Authority (TIEZA) ro andang drainage network.
Sa pihak nga parte, gina patutukan eonman it gobernador ro landslide-prone areas sa Brgy. Tulingon, Nabas, Aklan.
Bangud sa sunod-sunod nga insidente it landslide sa nasambitang lugar sa pagpanaeasa it bagyong Urduja, maabong motorista kaibahan ro mga turista nga paagto ag pagowa it Boracay ro eubus nga naapektuhan.
