Pasensiya sa mga nagapamahaw makaron nga pang orason , apang nabudlayan baea kamo nga maghigku.
Maabu nga rason kon ham-an nga nabudlayan nga maghigku ro sangka tawo.
Posibleng nag-iba ro diet nga bangud sa constipated nga tiyan, kakueangan sa ehersisyo, sobrang stress, kueang sa tubi nga gina-inom ag thyroid problems.
Nabudlayan man sa paghigku ro mga tawong may Irritable Bowel Syndrome (IBS) nga nagatuga it pagsakit it tiyan, diarrhea ag constipation.
Agud nga mapadali ro paghigku, ginarekomenda it mga doktor ro pag-inom it napueo hasta 12 nga ka baso it tubi kada adlaw,
Importante man ro pagiging well-hydrated agud nga mapahumok ro paghigku it sangka tawo ag malikawan ro constipation.
Ro pagkaon it tinuea ukon green leafy vegetables kapareho it tangkong, amaragoso, daehog hay sambilog man sa mga natural nga solusyon agud nga mas nga mapadasig ro paghigku it sangka tawo bangud sa gina angkon kara nga fiber.
