Maabu ro may problema sa mga mabahoe nga ugat sa siki ag alima nga ginatawag nga varicose veins.
Raya hay bukon it manami nga tan-awon ag kon amat hay nagasakit pa.
Mabug-at ag gaoy ro pamatyagan it may varicose veins.
Apang indi ma-guilty bangud nga mga 17 percent it pasyente hay may varicose veins.
Raya hay bangud nga gina-mana raya sa atong mga ginikanan.
Pila sa mga solusyon kara hay ro pag-alsa sa alima ukon siki.
Ro rason it varicose veins hay ro paghaeuga it atong mga ugat.
Kon pirmeng nakapanaog ro atong mga siki, magatipon kara ro dugo ag magahaeok ro atong ugat.
Rason nga magpungko ag itungtong ro siki sa sangka bangko ukon kama.
Itungtong man ro alima sa sangka mahaea ag alsahon it makapilang beses sa sang adlaw.
Pwede man nga magsuksok it support stockings ukon gutok nga medyas.
Suno kay Dr. Katty Go, ro support stockings ukon compression stockings ro pinaka-epektibong solusyon sa varicose veins.
Pirme raya nga gamiton.
Likawan nga magtindog it mahabang oras ag indi magsuksok it gutok nga saewae.
I-elevate ro siki samtang nagakatueog.
Itungtong raya sa sangka mahaea agud nga mabawasan ro pagtipon it dugo kara.
Magkaon it mga tinuea nga mataas sa fiber kapareho it patola, pechay, okra, ag kangkong.
Ro prutas kapareho it kapaya ag pinya hay may fiber man.
Sa bulig kara hay magiging regular ro inyong paghigku.
Kon mahumok ro inyong higku, makalikaw kamo sa varicose veins ag sa almoranas man.
