Mahugot nga ginpamalibaran ni Senador Vicente Sotto III ro mga pasibangud nga nagbaton sigon imaw it kickback halin sa mga flood control projects, ag ginpamilit nga ro isyu hay uwa it basehan, politically motivated, ag parte it ginatawagn nanang “bogus hearing.”
Suno kay Sotto, uwa imaw nga-serbe bilang opisyal it gobyerno halin 2022 hasta 2025—tyempong gibahambae nga nagtuhaw ro mga transaksyong ginakonekta kana.
Ginpamalibaran man nana ro alegasyon angot sa anang dating executive assistant ag ginpamilit nga ro ginatumod it mga testigo hay nag-panaw eon ku 2015.
Ginkwestyon man nana ro kredibilidad it mga nagpakilaeang ex-marines nga bagmen sigon it dating mamalidha nga si Zaldy Co.
Gintawag ni Sotto nga “clutching at straws” ro mga pasibangud ag ginpamilit nga parte raya it hana nga paghigko sa anang pangaean, kasunod it pagpamati it Senate Blue Ribbon subcommittee angot sa anomalya sigon sa ghost flood control projects.
