South Korea ginatun-an nga magtao it armas sa Ukraine

SOUTH KOREA – Ginakonsidera makaron it South Korea nga magsuplay it mga armas sa Ukraine.

Kasunod it nabueo nga ebidensiya nga may sundalo it North Korea nga nag-adto sa Russia.

Pahayag ni South Korean President Yoon Suk Yeol nga andang gina-obserbahan ro pag-abo it mga sundalo it North Korea sa Russia.

Ro nasambit nga pahayag hay matapos ro ginhimo nga pakikipagpueong ni Yeol sa anang security cabinet.

Una eun nga ginpamalibaran it Russia nga may mga sundalo it North Korea ro nagbulig kanda.