South Korea, nagpanawagan it insigidang paghalin it mga North Korean troops nga naka-deploy sa Russia

Nagpanawagan ro South Korea it insigidang paghalin it mga tropa it North Korea nga naka-deploy sa Russia ag ginagamit sa giyera kontra sa Ukraine.

Suno sa National Intelligence Service, ro spy agency it South Korea, nakumpirma eon nanda nga nagpadaea ro North Korea it kabilugang 1,500 special operation forces sa Russia agud nga magbulig sa nagapadayon nga giyera sa Ukraine.

Ginpatawag it South Korean government ro Russian Ambassador nga nakabase sa Seoul, agud iprotesta ro ginhimo it North Korea.

Sa pag-atubang nanday Vice South Korean Foreign Minister Kim Hong Kyun ag Russian Ambassador Georgy Zinoviev, ginkondena ni Kim ro ginhimo it North Korea nga nagdaea it paeag sa South Korea ag sa international community.