Gintanyagan it South Korea ro North Korea nga taw-an sanda it bakuna kontra sa COVID-19.
Kasunod raya it ginakabaeak-an nga COVID-19 outbreak sa North Korea matapos nga nakalista sanda it sambilog nga namatay.
Ginpahayag ni South Korean President Yoon Suk-yeol nga ginahueat eamang nanda ro sabat it North Korea kung gusto nanda nga batunon ro igatao nga bakuna.
Nagaeaum sigon sanda nga maghumok ro baeatyagon ni North Korean lider Kim Jong Un nga magbaton it bulig halin sa ibang nasyon.
Maabu nga mga eksperto ro naghambae nga posibleng magpangayo anay it bulig ro North Korea sa kaalyado kara nga nasyon it China.
Una eon nga ginpahayag it Amerika nga haum sanda nga buligan ro North Korea apang owa sigon sanda it plano nga taw-an raya it COVID-19 vaccine.
