KALIBO, Aklan—Maskin nga gabuhok eamang ro abanse, owa it ginaduso nga recount sa bag-o eamang natapos nga eleksyon sa South Korea.
Raya hay matapos nga insigidang nag-concede si ruling party candidate Lee Jae-myung matapos nga umabanse ro nagdaog nga si opposition candidate Yoon Suk-yeol nga may 0.73% nga gap.
Suno kay Bombo International Correspondent Maylord Guadalupe, tubong bay-ang batan ag presenteng nagatrabaho sa south korea nga kat 95% eon it boto ro nahuyap ag abanse si yoon hay nag-atubang eon sa media si lee agud nga ipahayag ro anang pag-concede.
Ginpahayag dugang nga maskin sa campaign period hay mahipos ag bukon it maabu nga basura sa korea bukon it kapareho sa Pilipinas nga masyadong magulo, masangag ag maabu nga mga ginapakalhit nga mga campaign paraphernalia.
Pagkatapos sigon it eleksyon hay balik eon sa normal ro pagpangabuhi ag naga-focus eon sa trabaho ro mga nagdaog nga kandidato.
Raya hay bangud nga masyadong masaligan sigon ro sistema it eleksyon sa nasambit nga nasyon.
Kaibahan sigon sa mga hangkat nga paga-atubangon it bag-ong presidente hay ro pagsabat sa pinaka-grabeng wave it covid 19 infections, nagabahoe nga inequality, nagataas nga presyo it mga baeay idtu ag ro pagbawas sa migrant workers partikular ro mga undocumented nga kaeabanan nga nagatrabaho sa manufacturing industry.
Pagatutukan man sigon kara ro mga foreign policies eabi eon ag may tensyon sa tunga it Russia ag Ukraine.
