Ginpakamayad nga temporaryong ipaiway anay ro mga operasyon sa paeuparan, business establishments ag ro mga pagpangisda sa may bahin it Southern Okinawa Islands sa nasyong Japan bangud sa ginaeauman nga pagpaeanasa ni tropical storm Mawar.
Raya hay kasunod man sa ginpatigayon nga preparasyon it Japan government sa nakataeana nga pagtama it nasambit nga bagyo makaron nga adlaw sa Okinawa’s main Island.
Suno kay Bombo International Correspondent Josel Palma it Japan, nga haom eon ro mga residente ag mga mangingisda sa nasambit nga lugar bangud sa ginaeauman nga mabaskog nga daeang hangin it bagyo ag mga mataas nga pagbaeod sa kaeawran.
Apisar nga naghina ro daeagan it bagyo ag owa pa it deriktang epekto sa kaeugtaan it Southern Okinawa Islands hay padayon nga nagapaandam ro Japan Meteorological Agency sa mga residente nga maging alerto ag haom sa daea karang maeain nga panyempo.
Angot kara, si tropical storm Mawar hay magahueag pa naaminhan naaminhan-nasidlangan sa kahinayon nga 10 KM/H sa bahin it South Miyakojima Island.
Ro nasambit nga bagyo hay ro nauna eon nga nagpaeanasa anay sa Philippine area of responsibility antes nga nagtabok sa Southern part it nasyong Japan.
