KALIBO, Aklan—Gin-aprubahan sa ginpatigayun nga session it Sangguniang Panlalawigan it Aklan ro Committee Report No. 2022-037 nga nagatao it otorisasyon kay Governor Florencio Miraflores nga magsueod sa sangka Memorandum of Agreement (MOA) sa tunga it Urban Hazmat Transport Services, Iloilo City.
Raya hay may kaangtanan sa pagtransport ag pagdumaea sa tanan nga klase it hazardous waste it pitong ka mga ospital sa probinsya it Aklan.
Nauna eon raya nga gintalakay sa ginpatigayun nga joint committee hearing nga ginakaeakipan it Committee on Health and Social Services ag Committee on Energy, Public Utilities, Transportation and Communication ko Pebrero 7.
Buot hambaeon kara, ginataw-an it otorisasyon ro gobernador bilang generator sa pagsueod sa nasambit nga Memorandum of Agreement.
Sa pihak nga parte, aprubado man ro ginproponer nga sangka resolution nga nagasuporta sa kampanya it Department of Trade and Industry (DTI)-Aklan partikular ro “Buy Local, Go Local Campaign.
Raya hay matapos nga talakayon it Committee on Trade, Industry and Commerce ro Committee report No. 2022-033 ko Pebrero 7.
Ginkasugtanan it komite nga suportahan ro kampanya it ahensya para mapaumwad ro lokal nga produksyon ag makabulig sa mga mangunguma.
