KALIBO, Aklan—Aprubado eon it Sangguniang Panlalawigan it Aklan ro gindihon nga ordinansa it Sangguniang Bayan it Numancia para himuon nga tatlo ro sakay nga pasahero it mga tricycle nga nagabiyahe sa andang banwa.
Suno kay Numancia Toda Federation President Medel Valenzuela, mabahoe ro andang pagpasaeamat sa pag-apruba it mga board members sa nasambitang ordinansa bangud mabahoe sigon ro maibulig kara kanda.
Makabig sigon raya nga manami nga balita para sa kapareho karang driver ag mga pasahero.
Sa oras nga maging epektibo ro ordinansa hay posible man nga mapanabaan ro presenteng panueoktan sa pamasahe.
Sa makaron hay nagapabilin nga 25 pesos ro panueoktan sa mga tricycle halin sa banwa it Kalibo paadto it Numancia samtang 20 mat-a kun halin sa Numancia paadto it Kalibo base sa ginpagguwa nga fare matrix it andang lokal nga gobyerno.
