KALIBO, Aklan—Gin-aprubahan it sangguniang panlalawigan ro resolusyon nga naga apruba sa realignment it savings halin sa 5% nga Local Disaster Risk Reduction Management Fund ukon LDRRMF sa continuing appropriations para sa fiscal year 2016 hasta 2023 .
Tuyo kara nga mapondohan ro disaster preparedness partikular ro mga programa , proyekto ag iba pang mga aktibidad .
Nauna kara, nagdihon it urgent request si Gov. Joen Miraflores para sa approval ag adoption it PDRRMC resolution no. 1 series of 2024 angot sa pag-realign it nasambit nga pondo.
Raya hay gintalakay it committee of the whole ko nagtaliwan nga Hulyo 1 kun sa siin ginrekomenda it nasambit nga komite nga ro nasambit nga resolusyon hay ipasa ag ko ulihi hay naaprubahan.
Madumduman nga pagkatapos nga magpanaeasa ro El Niňo Phenomenon kun sa siin nagdeklara ro aklan nga under state of calamity hay ginapahauman man makaron it natungdan nga ahensiya it gobyerno ro posibleng epekto it la nina phenomenon sa nasyon.
Sa pihak nga parte, gintalakay man sa session it provincial board ro angot sa paghinyu kay Aklan vice governor Reynaldo Quimpo nga pasugtan ro provincial government nga magsueod sa memorandum of agreement ukon MOA sa sangka kompaniya nga pwedeng maboe-an it mga bueong ag iba pang medical supplies ag equipment sa oras it kalamidad, emerhensiya, disasters .
Kamana man ro pakikipagkasugot it provincial government sa pamunuan it sangka esklwehan agud nga pwedeng magamit ro NVC gym ag iba pa nanda nga mga classrooms bilang evacuation area sa oras it disaster ag kalamidad .
