KALIBO, Aklan–Ginabaeay eon it mga miyembro it Sangguniang Panlalawigan ro sangka ordinansa nga magatao it igtueopangod para sa mga ginakabig nga ‘mentally challenged individual’ sa probinsya it Aklan.
Suno kay Sangguniang Panlalawigan member Nemesio Neron, mabuhay eon nanda nga plano ro pagbilog it nasambit nga ordinansa apang makaron eamang nataw-an it kahigayunan nga matalakay bangud sa kakueangan it pondo.
Maabu sigon nga mga bagay nga dapat ikonsidera kapareho it pagtukod it sangka institusyon nga ginadumaeahan it mga doktor ag psychologist.
Tuyo kara nga mataw-an it nagakaigo nga monitoring ro kondisyon it mga natungdan nga indibidwal nga nagakinahang-ean it special treatment.
Nagaeaum si Neron nga matapos eon ro pagbaeay it ordinansa agud nga maumpisahan eon ro implementasyon kara sa mas madali nga tyempo.
