KALIBO, Aklan—Nakataeana nga magpatawag it committee hearing ro Sangguniang Panlalawigan sa lokal nga gobyerno it Malay angot sa ginabilog nga Boracay Island Development Authority ukon BIDA agud taw-an it importansya ro nagapadayon nga rehabilitasyon sa isla it Boracay.
Suno kay Aklan 2nd district board member Esel Flores, raya hay agud istoryahan ro tatlong bersyon nga ginaproponer angot kara kon sa siin sambilog nga nagaduso kara hay si Aklan 1st district congressman Carlito Marquez.
Kon ma-aprobahan raya, magabilog it Boracay council nga imaw ro may gahum sa mga tikang nga pagahimuon it BIDA.
Pabor man sigon imaw kara bangud nga masarangan it probinsya ro pagdumaea sa isla.
Maging komplikado eamang suno pa kana kon ro tanan nga opisyals hay maghalin sa national.
