SP-Aklan, plano nga magpasa it sangka resolution bilang suporta sa hagna para maging siyudad ro banwa it Malay

KALIBO, Aklan–Nakataeana nga magpasa it sangka resolution ro Sangguniang Panlalawigan it Aklan sa adlaw it Lunes bilang pagsuporta sa House bill Number 06401 nga gindihon ni Aklan 2^nd District Congressman Teodorico Hareso para maging component city ro banwa it Malay.

Suno kay Vice Governor Atty. Reynaldo Quimpo nga naka-pending makaron sa Committee on Local Government sa 19^th Congress it House of the Representatives ro nasambit nga hagna.

Nagapati ro bise gobernador nga kwalipikado ro Malay para maging component city it probinsya bangud naabot kara ro pilang minimum requirement sa idaeom it Local Government Code.

Partikular nga gintumod it opisyal ro revenues ag land area it banwa.

Ginpahayag dugang nga suportado it mga miyembro it provincial board ro pag-endorse sa pag-apruba it kongreso it nasambit nga hagna.