Sambilog si Aklan 1st District Board Member Nemesio Neron sa nagpanguna sa ginpatigayon nga pagpueong it Swine and hog raisers association sa banwa it Banga bilang imaw man ro board of director it nasambit nga asosasyon.
Gindiskusyunan sigon nanda ro problema nga ginapangutabang makaron it probinsya it Aklan matapos nga makalista eon it kauna-unahang kaso it African Swine Fever ukon ASF maghalin sa Brgy. Archanghel Sur, Balete.
Nagapati imaw nga sa pakigbuylog it kada akeanon hay maeampuwasan naton ro ginapangtubang nga problema.
Suno pa kay Board Member Neron nga makabig nga pandemya sa kasapatan ro ASF virus nga kun siin mabahoe sigon ro posibilidad nga magatuga raya it domino effect sa maabu nga mga produkto.
Padumdum kara sa mga pumueuyo nga likawan anay ro pagpasueod it mga live weight nga baboy ukon anumang pork products maghalin sa apektadong lugar agud nga indi eon magkalhit pa sa mga kaeapit nga barangay ukon banwa ro ginakahadlukan nga masakit sa sapat.
