KALIBO, Aklan—Emosyunal si Sangguniang Panlalawigan Member Atty. Harry Sucgang sa anang pagfile it Certificate of Candidacy ukon COC, kaina it agahon sa gintaeana nga lugar it Commission on Election ukon COMELEC-Aklan sa ACC covered court.
Ginsaysay ni Atty. Sucgang sa Bombo Radyo kung paalin nga ginsikway imaw it partido ni dating kalibo mayor ag governor aspirant nga si William Lachica.
Suno kay Sucgang nga eubos nanang ginakasubo ro natabo bangud owa imaw ginrespeto it grupo nanday Lachica.Nauna kara, gindeklara eun sigon it andang grupo nga imaw ro magiging kandidato sa pagaka-kongresista it unang distrito it probinsiya.
Apang last minute eamang sigon hay gin-impormahan eamang imaw it anang kakilaea nga si Batan Mayor Rodel Ramos eun ro kumpirmadong magiging kandidato it grupo bilang kongresista.
Sa pihak kara, ginklaro ni Sucgang nga magapailihir sa gihapon imaw bilang kongresista it unang distrito sa idaeum it Aksiyon Demokratiko.
