SP member Neron, mabuhay eon nga handum nga magpailihir bilang alkalde it Banga

KALIBO, Aklan—Mabuhay eon nga handum ni 1^st District Sangguniang Panlalawigan member Nemesio Neron nga magpailihir  bilang alkalde it banwa it Banga.

Apang suno kana nga kihangean nana nga magsunod  sa  desisyon it andang partido.

Gusto sigon nana nga  madugangan ro maaywan nga legasiya  samtang nagakabuhi pa sa ibabaw it kalibutan.

Sambilog kara ro tampad nga serbisyo publiko sa banwa nga anang nasakupan.

Gindugang pa ni Neron nga  umpisa nga maging provincial director it  PNP  sa Aklan  hasta ro pagpungko kara bilang provincial board member  sa nagtaliwan  nga mga dinag-on hay  maabu imaw nga hinimuan nga  siguradong magatatak nga legasiya it anang pagpanerbisyo sa komunidad.