KALIBO, Aklan—Nagpanindugan si Aklan 1st district Sangguniang Panlalawigan member Atty. Harry Sucgang nga ro pagiging sobrang sueok sa poder hay bukon eon it mayad.
Raya hay kasunod it hayagan nga paghambae ni Presidente Rodrigo Duterte nga bukas imaw sa pagpadaeagan bilang bise presidente sa 2022 elections.
Gindugang pa kara nga ro posibleng pagpadaeagan ni Duterte sa pagka-vice president hay makabig nga kwestiyunable bangud nga sandig sa konstitusyon bawae nga uman nga magpadaeagan ro presidente.
Bilang magiging running mate sa pinakamataas nga posisyon, anuman sigon ro matabu sa mailihir nga presidente hay imaw man gihapon ro magabueos sa pwesto.
Bangud kara, gin engganyo ni Atty. Sucgang ro publiko nga makaangkon it boses sa maabot nga eleksyon.
Ro pagpili sigon it igaboto hay indi i-base sa igatau nga kwarta ukon kasikatan it andang pangaean kundi sa tract record ag ikasarang it kandidato.
