KALIBO, Aklan—Haom nga magpaiway si Aklan 1st district Sangguniang Panlalawigan Member Atty. Harry Sucgang sa anang kandidatura bilang congressman it 1ST district it probinsiya sa paeaabuton nga 2022 national and local election engkasong magpasugot si Batan Mayor Rodel Ramos nga imaw ro maging pambato it andang partido ag eubusan eun nga aywanan ro partido it “tibyog”.
Samtang, engkasong magpadaeagan bilang independente si Mayor Ramos magiging 3 corner fight ro maga-engkwentro sa pagkadidato bilang Congessman.
Raya hay si incumbent Congressman Carlito Marquez, Batan Mayor Ramos ag si SP Sucgang.
Madumduman nga nauna eun nga ginpahayag ni SP Sucgang nga ha-om ag preparado eon imaw nga magfile it anang Certificate of Candidacy (COC ) sa maabot nga buean it Oktobre.
