KALIBO, Aklan—Sa pihak nga nagapati sa makamaeatay nga sakit, apang mabahoe man ro pagduda ni Aklan 1st district Sangguniang Panlalawigan member Atty. Harry Sucgang nga gina-obra man nga negosyo ro Coronavirus Disease 2019 ukon COVID-19.
Suno kana nga maskin nga malisod eon ro sitwasyun bangud sa pandemya hay mas pang ginapabudlayan ro mga pumueuyu.
Gin-insister kara nga dapat nga makaangkon it transparency ro mga health care providers kon ano ro mga nagakabagay nga approach sa pagbueong it nasambit nga sakit.
Ko unang tiempo suno kana kaabuan sa mga tawo hay nagamayad man sa herbal medicine, apang makaron owa it direktang ginatumod kon ano nga bueong ro makatapna sa sakit.
Ginhalimbawa kara nga maskin may available eon nga bakuna kontra covid 19 hay ginasugid nga bukon gihapon it garantiya nga indi pagtamaan it sakit maskin nga nabakunahan eon. Angot kara, ginlaygayan nana ro publiko nga seryosohon ro pagsunod sa health and safety protocols agud nga indi matamaan it deadly virus.
