KALIBO, Aklan–Ginproponer ni Aklan 1st District Board member Nemesio sa ginpatigayun nga session it Sangguniang Panlalawigan ro plano nga magpatigayun it legislative inquiry angot sa pagpatuman it visa upon arrival policy sa mga dumueoong nga maga-adto sa probinsya it Aklan partikular sa isla it Boracay.
Tuyo kara nga mapataas ro income it probinsya ag mabuligan nga makabangon halin sa epekto it pandemya.
Apang, may pila man nga pagkwestiyon si Vice Governor Reynaldo Quimpo bilang presiding officer nga maskin maaprubahan ro plano hay indi man kara makapanimpueos ro provincial government kundi ro Department of Foreign Affairs (DFA) ag Bureau of Immigration (BI).
Dugang pa kara nga engkaso nga matabo, kinahang-ean nga makaangkon anay it opisina ro daywang taeatapan para magpatuman kara.
Samtang, ginpahayag man ni SP member Jupiter Aelred Gallenero nga makarondaya man ro polisiya sa ibang nasyon.
Rason nga magapatawag sanda it legislative inquiry kaibahan ro mga concerned agency agud nga makatao it dugang nga impormasyon ag suhestiyon.
