-- ADVERTISEMENT --
KALIBO, Aklan–Mabahoe ro pagpati it mga Espansyol nga makasueod sa finals ag magakampeon sa nagapadayun nga FIFA World Cup 2022 sa Qatar ro andang national football team.
Suno kay Bombo International Correspondent Maria Edzel Lamparero Lopez it Madrid, Spain nga eubos nga ginapreparahan it andang koponan ro hampang sa tunga it powerhouse team nga France ag Brazil.
Apang, dismayado sigon ro maabu nga pumueoyo matapos nga mauli sa draw (1-1) ro hampang sa tunga it Spain ag Germany.
Raya hay bangud nga ginaeauman nanda nga indi makapuntos ro Germany matapos ro kapas-eawan kara sa alima it Japan.
Nagapati man imaw nga mas pang pagapabaskugon it koponan ro andang depensa ag stratehiya sa mga masunod nga hampang.
-- ADVERTISEMENT --
