Bukas si House Speaker Martin Romualdez nga pamatian ro isyung nagaputos sa Philippine Offshore Gaming Operators ukon POGO.
Ginpahayag nga may prosesong dapat sundon sa mga panawagan nga magpatuman eon it total ban sa Philippine Offshore Gaming Operators.
Kinahang-ean suno kana nga magpatigayon it hearings kon sa siin pamatian ro tanan nga stakeholders angot sa andang posisyon.
Dikara man sigon matimbang it Kongreso ro pinakamanami nga tikang nga dapat himuon kontra sa Philippine Offshore Gaming Operators.
Apang, uman nga gin-insister it House Speaker nga kon may ginahimong ipagbawae sa laye hay insigida sanda nga pagatugison it law enforcers.
Nasayuran nga ko buean it Pebrero hay naaprubahan eon sa House Committee on Games and Amusement ro House Bill 5082 ag House Resolution 1197 nga tuyong i-ban ro Philippine Offshore Gaming Operators ag ideklara ro operasyon kara nga ilegal.
Kon madumduman, pilang mga Kongresista ro may gustong daeayon nga i ban sa nasyon ro Philippine Offshore Gaming Operators bangud sa bukon it manami nga ginatuga kara bangud sa mga krimen nga andang ginakaeakutan.
