Huyap eon sigon ro adlaw it mga nagamanipula it presyo it sibuyas ag bawang para tumaas ro bentahan sa merkado nga kahimuan it mga unscrupulous traders and hoarders.
Raya ro naging pagpaandam ni House Speaker Martin Romualdez.
Ginpahayag ni Speaker nga nakabaton sanda it impormasyon angot sa mga nasambit nga indibidwal nga una sa likod it pagtipon it sibuyas ag makaron hay ro bawang man para maghimu it artipisyal nga kakueangan it suplay rason nga nagatinaas ro presyo kara.
Nataeupangdan man sigon nana nga sa pihak it nagapadayon nga harvest season ag ro pag-abot it mga imported nga sibuyas sa nasyon hay nagapabilin ro mataas nga presyo.
Ginmaduan ni Speaker Romualdez ro House Committee on Agriculture and Food nga magpatigayon it imbestigasyon ag kung may bastante nga ebidensiya, magrekumenda nga magpasaka it nagakaigong kasong kriminal kontra sa mga indibidwal nga una sa likod it pagtipon it mga suplay bangud sa makabig sigon raya nga economic sabotage.
Ginpunto man ni Speaker Romualdez nga ro nasambit nga importasyon hay indi dapat makadaeasa sa kaeuwasan it mga lokal nga mangunguma.
Dugang pa ni Speaker nga dapat seryosong sabaton it mga mga concerned agencies ro isyu sa smuggling it sibuyas ag iba pang mga agricultural products.
