Ginpangunahan ni Speaker Ferdinand Martin Romualdez ro pagpanupod it 17 solar pumps nga makabulig sa ginatos ka mga mangunguma nga mapatubian ro andang mga taeamnan sa Isabela, sambilog sa nagapangunang probinsya nga producer it bugas ag mais sa nasyon.
Ginhimo ni Speaker Romualdez ro distribusyon kaibahan ro mga opisyal it National Irrigation Administration (NIA) ag lokal nga gobyerno it Isabela sa pagpanguna ni Gov. Rodito Albano.
Nagsunod si Speaker kay Pangueong Ferdinand R. Marcos, Jr. para sa inagurasyon it sangka mabahoe nga solar pump project sa kaparehong lugar.
Gin-insister it lider it Kamara ro importansya it irigasyon sa pagtanom it paeay, mais, ag iba pang produktong agricultural bukon eamang it sa Isabela kundi sa iba pang parte it nasyon.
Sa pinaagi it mga solar pumps, ginpahayag ni Speaker Romualdez nga makapananom ro mga mangunguma maskin nga may kakueangan sa tubi-uean.
Ro solar pumps hay kaparte it proyekto it NIA nga nagatuyo nga mapaabo ro mga kaeogtaan nga naiiligan it irigasyon agud maabot ro handom ni Pangueong Marcos Jr. nga mapaabo ro produksyon it bugas ag iba pang produktong agrikultural sa nasyon.
