-- ADVERTISEMENT --
KALIBO, Aklan—Ginpasiguro ni Aklan Governor Florencio Miraflores nga mabaton eon it mga kwalipikadong health workers sa probinsya ro andang Special Risk Allowance (SRA).
Suno sa gobernador makabaton sigon ro mga HCWs sa Aklan it hasta P5,000 nga monthly allowance sa pribado ag pampublikong ospital nga naga-alaga it mga pasyenteng may COVID-19 halin December 2020 hasta makaron nga dag-on.
Dugang pa kara nga ro nasambit nga monthly allowance hay mabaton eon antes matapos ro Agosto agud nga magamit eon.
Natueopangdan nga ro na-delay nga allowance ro rason it paeag nga mass resignation it mga health workers sa nasyon.
