KALIBO, Aklan–Nag-umpisa eon ro Spring season sa Hong Kong.
Bangud kara, amat-amat eon man sa pag-adjust ro mga pumueoyo sa pagnaba it temperatura.
Suno kay Bombo International Correspondent Mary Lou Bautista Borra nga masami sanda nga nakakabatyag it pagiging dry sa raya nga tyempo rason nga naga-inom sanda it maabu nga tubi ag naga-eaha it sabaw.
May pila man sigon kanda nga nakakabatyag it trangkaso, ubo ag sip-on bangud sa maeamig nga klima.
Ro Spring season hay nagabuhay it hasta daywang buean.
Gina-abangan man sa raya nga tyempo ro ginapatigayun nga Flower Festival sa Victoria Park kada Marso.
Ginaeauman nga may magabukas nga kapin sa 42 nga stalls sa lugar kung siin pwedeng makabakae it bueak ag iba pang horticultural products.
Haeos excited eon sigon ro tanan sa uman nga pagbalik it Flower Festival matapos nga mapaiway it daywang dag-on bangud sa pagpanaeasa it COVID-19 pandemic.
