NATIONAL News —- Nagresign eon man sa pwesto si Sugar Regulatory Administration (SRA) Administrator Hermenegildo Serafica.
Sa sangka sueat nga pirmado ni Executive Secretary Victor Rodriguez nga may petsang August 13, 2022 ginasugid nga ginbaton ni Pangueong Ferdinand Marcos Jr., ro anang pagresign sa pwesto effective immediately.
Nakabutang sa sueat nga nagsumite it anang resignation letter si Serafica ko August 10, 2022.
Raya hay matapos nga ihayag it Malacañang ro iligal nga pagpirma it mga miyembro it SRA ag ni Department of Agriculture (DA) Undersecretary Leocadio Sebastian sa resolusyong importasyon it 300,000 metric tons it asukar.
Una eon nga naghalin sa pwesto si Sebastian.
Angot kara, ginbaton eon ni Pangueong Marcos Jr., ro resignation it sambilog pang miyembro it sugar board it SRA nga si Atty. Roland Beltran.
Imaw hay nag-file it resignation ko August 14 ag ginbaton it pangueo ro anang resignation kahapon August 15, 2022.
