Sa tunga it nagapadayun nga pagtaas sa presyo it mga baeak-eon, plano it Department of Agriculture (DA) nga makaangkon it suggested retail price (SRP) ro pilang agricultural products.
Pinaagi kara hay maprotektahan ro mga bumaeakae kontra sa mga abusadong negosyante.
Sa pihak kara, indi malikawan nga may mga negosyante nga maga-aeang-aeang sa raya nga plano.
Nasayuran naton nga iba-iba ro andang suppliers ag bukon man it pare-pareho ro presyuhan.
Mayad nga konsultahon anay ro mga producers antes ro pagpatuman it SRP sa agri products.
Bangud nga kanda nakadepende ro makatarungan nga pagpresyo.
Gusto naton nga maprotektahan ro kamaeayran it mga bumaeakae eabi eon makaron nga grabe ro pagtaas it presyo it mga baeak-eon , apang owa man kita naila nga mabutang sa aeang-aeang ro mga negosyante, maisot man ukon mabahoe, bangud nga kaparte gihapon sanda it atong ekonomiya.
Magkabulig naton nga atubangon anuman ro sitwasyon ag pirmeng magpangibabaw ro patas nga pagpangabuhi.
Indi naton pagpasugtan nga makaporma ro mga abusado ag ganid sa kwarta.
Bantayan ro mga ilegal nga hilimuon nga nagapatay sa atong pangabuhian , ro mga smuggler ag mga korap nga nagapabudlay sa mga pumueuyu.
Sa uman ro atong handum nga magmadinaeag-on ro Pilipinas sa pagsukoe sa pandemya ag krisis.
