KALIBO, Aklan–Nagapati ro sangka batikan nga abogado sa probinsya it Aklan nga ro uman nga pagtaas sa kontribusyon sa pilang ka mga government institution hay kahimuan it mga pulitiko nga nagapahumot it andang pangaean.
Nasayuran nga makaangkon it pagtaas sa kontribusyon it mga miyembro sa PhilHealth ag Social Security System (SSS) umpisa Enero 2023.
Suno kay Atty. Axel Gonzales nga owa gina-isip it mga tawo nga una sa likod kara nga nabudlayan eon ro mga investors, kapitalista ag negosyante nga makasunod sa sitwasyon.
Nasayuran nga may counterpart sa kontribusyon ro mga employer nga haeos doble kaysa sa ginabawas sa kada empleyado.
Kapin sa 1 percent ro pagtaas sa kontribusyon it SSS samtang .5% mat-a ro dugang sa Philhealth halin sa presenteng 4 percent rason nga magiging 4.5 percent eon raya halin Enero 2023.
