KALIBO, Aklan—Gin-engganyo it Social Security System ukon SSS ro mga Akeanon nga magpa-miyembro agud nga mapahauman ro andang paeaabuton engkaso nga magretiro eon ro mga raya sa andang mga trabaho.
Suno kay Rene Moises Gonzales, branch manager it SSS-Aklan nga nataeupangdan sigon nana sa statistics nga masyadong manaba ro andang membership sa probinsiya.
Sa kada 18 nga katawo suno kana nga may edad nga 20 hasta 59 hay sambilog eamang ro miyembro it SSS.
Mataeupangdan pa sigon nga haeos 10,000 eamang ro pensyunado sa aklan nga nagakahueugan nga sa kada 15 nga senior citizens hay daywa eamang ro may pension sa SSS ag sa kada limang nagakamatay hay sambilog eamang ro may funeral claims.
Gindugang pa ni Gonzales nga maabu nga mga benepisyo ag pribilehiyo nga pwedeng mabo-oe kon maging miyembro it nasambit nga ahensiya.
Kadungan kara, gin abisuhan nana ro iba pa nga ayuson ro status it andang membership agud nga indi makaangkon it problema sa pagbo-oe it andang mga benepisyo.
