Ginaduso makaron sa Sangguniang Panlalawigan it Aklan nga ma-enroll sa Social Security System ukon SSS ro mga job order ag contractual employee it Aklan provincial government.
Suno kay Aklan second district board member Jay Tejada, raya hay ginrequest mismo ni governor Joen Miraflores bangud sa anang pag-ulikid sa mga empleyado.
Pinaagi sa sangka resolusyon suno kana hay ginaengganyo ro mga empleyado nga magpa member kon siin raya hay boluntaryo eamang bangud nga mismong sa sweldo nanda boe-on ro igahueog sa andang membership ag uwa it counterpart ro gobyerno probinsyal.
Ginpahayag dugang ni Tejada nga mabahoe ro ikabulig sa mga empleyado kon SSS member ro mga raya partikular kon may kinahang-eanon sanda financially ag kon magmasakit ro mga raya.
