KALIBO, Aklan—Naga-sumbil it calamity loan assistance program ro Social Security System (SSS) sa mga miyembro ag pensioner nga nadaeasa it bagyong Quinta, Rolly ag Ulysses.
Apang, suno sa SSS, ginakinahang-ean nga deklarado sa state of calamity it National Disaster Risk Reduction and Management Council (NDRRMC) ro mga lugar nga posibleng maka-avail it calamity loan.
Maga-umpisa ro assistance package sa November 27, 2020 ag magabuhay it hasta February 26, 2021.
Maeuwas sa calamity loan, posible man nga maka-avail it three-month Advance Pension para sa SSS and Employees’ Compensation pensioners ag Direct House Repair and Improvement Loan.
Magapagguwa ro SSS it bilog nga guidelines sa pamaagi it media partners ag official Facebook page nga “Philippine Social Security System.”
