Nagpatigayon ro Social Security System ukon SSS it pagbisita sa mga establisyimento sa banwa it Kalibo.
Raya hay sandig sa andang programa nga Run After Contribution Evaders ukon RACE nga ginpangunahan ni Atty. Bernardo Dofitas Jr., head it Western Visayas 2 operations legal department.
Suno kana, ginlunsar ro programa sa bilog nga nasyon agud nga padumdumon ro mga employers sa andang obligasyon sa pagbayad sa contributions it andang mga empleyado.
May kaangtanan kara, ginpaathag nanda sa ibang mga employeers nga may deliquency problems sa tyempo it pandemya kon siin ro ahensya hay nagta-o kanda it konsiderasyon.
May restructuring program ro SSS kon siin ro andang mga unpaid obligations hay pwede nga mabayran it installment hasta nga maupdate ro status it andang mga empleyado.
Sa pihak kara, sa pagpangusisa it ahensya hay nadiskubrehan nga may establisyimento sa banwa it Kalibo nga kon bukon it kueang hay delayed ro pagremit sa contributions it andang mga empleyado rason nga gintawag nanda ro igtaeopangod it tag-iya kara agud nga maayos insigida ro problema nga andang ginkriar.
Nagpanawagan man ro SSS sa mga employeers nga taw-an it haega ro andang mga empleyado pinaagi sa pagbayad it eksaktong contributions bilang andang benepisyo
