Gina-ayos eon it Land Transportation Office (LTO) ro mga tikang agud nga maresolba ro problema it mga nagabo-oe it andang drivers license partikular ro sukot sa mga driving school.
Ginpahayag ni LTO Chief Asec. Jay Art Tugade nga nakumpleto eon ro nabilog nanda nga komite ro pag-usisa sa mga sueundanan it ahensya angot sa accreditation it mga driving schools.
Suno pa kay Tugade nga magapatigayon eon lang sanda it Consultative Meeting para iplastar it LTO ro mga rekomendasyon sa isyu it pagpaidaeum sa driving schools it mga indibidwal nga gustong magbo-oe it lisensiya.
Madumduman nga nauna eon nga gina reklamo ro mataas nga sukot sa pagbo-oe it lisensiya kun sa siin naga abot it hasta P15,000 to P18,000 ro magastos.
Dugang pa ni Tugade, engkaso nga magkasugot ro LTO ag stakeholders hay makaangkon eon it standard fees nga pagasukton it mga driving schools sa nasyon.
