‘StarWars’ laser weapon, igasukoe it South Korea sa drones it North Korea

Mas barato ro “per shot” it laser weapon, mag-eowas sa mahipos ag “invisible” pa sigon ro pagtama kara sa kontra.

Sarang pabagbagon it South Korea ro mga drone it North Korea nga uwa sanda nagagamit it bala ukon missiles.

Ro andang pangsukoe: laser weapons nga halin sa andang laser program nga “StarWars project.” Mahipos ag “invisible” sigon kon tumama ro laser sa kontra.

Ginpahayag nga igaporma eon it South Korea ro andang laser weapons para pabagbagon ro mga drones it North Korean makaron nga dag-on.

Kon matabo raya, ro South Korea ro magiging kauna-unahang nasyon sa kalibutan nga magagamit it nasambit nga klase it armas-militar.