Ginapaabot nga magapadayon si state auditor Xylene Del Campo sa pagtestigo parte sa audit trail it Office of the Vice President (OVP) ag Department of Education (DepEd) nga may kaangtanan sa paggamit it P612.5 milyon nga confidential funds.
Suno kay House prosecution spokesperson Atty. Benjamin “Jay” Tolosa Jr., sabton ni Del Campo ro mga pangutana parte sa sunod nga mga tikang sa audit, eakip ro notice of disallowance.
Una eon nga nagtestigo si anay state auditor Roderick Wamil parte sa mga bahin it audit ag mga dokumento nga anang personal nga nahawiran.
Pero ginlimitahan nana ro anang testimonya sa mga natabo antes imaw naghalin sa Commission on Audit (COA).
Suno kay Tolosa, indi pagbalik-balik ro pagtestigo ni Del Campo bangud imaw ro nagpadayon sa mga masunod nga bahin it audit.
Ginaeauman nga itao ni Del Campo ro anang kaugalingon nga testimonya parte sa mga tikang ag rekord it COA sa audit it confidential funds.
