NATIONAL News —- Ginpaidaeum eon sa state of calamity ro banwa it Santo Tomas sa Davao del Norte bangud sa grabeng kahalitan nga gintuga nagtaliwan nga bagyo ag grabeng pagbuhos it uean ko nagtaliwan nga domingo tuga it Low Pressure Area (LPA) nga sa sueod it Inter Tropical Convergence Zone (ITCZ).
Suno kay Municipal Information Officer Mart Sambalud, nagpasa it resolusyon ro Sangguniang Bayan para sa nasambit nga deklarasyon kasunod it rekomendasyon it Municipal Disaster Risk Reduction Council (MDRRC).
Tuyo kara nga magamit ro Quick Response Fund (QRF) para sa disaster relief ag rehabilitation efforts sa andang lugar.
Base sa record it lokal nga gobyerno, naga-abot sa P15.9-M ro nasamad sa agricultural crops ag livestock; P1.65-M sa eugta ag P3.065-M sa imprastraktura kun sa siin posibleng abuton it P25.9-M ro kantidad it rehabilitasyon sa nasambit nga lugar.
