KALIBO, Aklan—Nagdeklara it state of emergency ro gobernador it Kentucky bangud sa pagtama it tornado ukon ipo-ipo sa central ag southern US kun sa siin ro Kentucky ro grabe nga naapektuhan.
Suno kay Bombo International Correspondent Rhodora Masongsong DeKraker it Las Vegas, U.S.A nga ro mga naapektuhan nga estado sa natabong ipo-ipo hay ro Arkansas, Illinois, Kentucky, Missouri, Mississippi ag Tennessee.
Ginatantiyang kapin sa 70 hasta 100 ro mga nailistang namatay bangud sa insidente.
Ginapahayag nga may kaeapad rayang 200 miles maghalin sa Arkansas hasta sa Kentucky.
Sambilog sa mga grabe nga naapektuhan hay ro sites sa southwestern Kentucky city it Mayfield.
Tumama ro Tornado sa candle factory Biyernes it gabi-e ag may unang kapin sa 110 katawo ro una sa sueod kara.
Sa pagtama man it mga tornado, daywa eun ro namatay sa Arkansas ag sambilog sa Mississippi.
Sa Tennessee, maabong edipisyo ro nasamad ag ag na-trap ro mga tawo.
Samtang sa Illinois man, nasamad ro Amazon warehouse bangud sa mabaskog nga uean ag hangin.
Sa makarun hay indi magnaba sa 157,000 customer ro nadueaan it kuryente sa an-om nga estado.
