KALIBO, Aklan—Ginbuoe eon it gobyerno it Japan ro ginpatuman nga state of emergency ko Hunyo 15.
Raya hay bilang preparasyon sa nagahilapit nga Tokyo Olympics kun sa siin ro nasambit nga nasyon ro magiging host country.
Suno kay Bombo International Correspondent Johnny Sato Gallos it Fuji city, Japan nga kinahang-ean eon nga i-lift it gobyerno ro state of emergency agud nga uman nga mabuksan ro border it nasyon para sa pagsueod it mga atleta nga maghalin sa ibang nasyon.
May kaangtanan kara, ginatinguhaan man sigon it gobyerno nga mapadasig ro pagbakuna kontra COVID-19 eabi eon sa andang pumueoyo nga naga-edad 60 anyos pataas.
Kapareho sa Pilipinas, hugot man nga ginapatuman sa Japan ro pagsunod sa health and safety protocols agud nga malikawan ro pagkalhit it COVID-19 infection.
