KALIBO, Aklan—Owa naging impresibo ro pahayag ni US President Joe Biden sa anang state of the union address nga pagaprotektahan ro nasyon kontra sa china partikular ro pinaka-ulihi nga insidente angot sa gina alegar nga spy balloon.
Suno kay Bombo International Correspondent Pinoy Gonzales it Texas, USA nga maabu ro owa nagapati sa anang pahayag nga haum imaw nga makipagbueuligan sa karibal nga China apang ginpromisa nga pagaprotektahan ro soberenya it nasyon.
Madumduman nga nauna eon nga ginpamalibaran it Beijing nga ro balloon nga ginpaeupad hay agud nga magpang-espiya.
Nasayuran nga ro balloon hay nag-agi sa kaeangitan sa ibabaw it amerika antes nga ginpaeupok it US fighter jets sa atlantic ocean ko sabado nga adlaw.
Ginpahayag ni Gonzales nga ginaduso it mga republicans nga makaangkon it hugut nga panindugan ro biden administration kontra sa pakikipag-deal sa China.
