KALIBO, Aklan—Ginpaidaeum 7 days lockdown ro State of Victoria sa nasyong Australia.
Suno kay Bombo International Correspondent Denmark Suede it Sydney, Australia nga ro nasambitan nga tikang it gobyerno hay nabilog matapos nga makalista it 40 ka mga panibag-ong kaso it indian variant nga Coronavirus Disease ukon covid-19.
Ro ginhalinan eamang sigon kara hay ro sangka indibidwal nga ginpaidaeum sa hotel quarantine maghalin sa state of south, australia apang pag-uli sa nasambitan nga lugar hay na-detect nga positibo raya sa deadly virus nga covid-19.
Sa makarun kapin man sa 14,000 ro andang gina-contact tracing.
Sa kabuligan may una eun nga 30,096 ka mga kaso it covid-19 sa Australia umpisa nga nag-eupok ro pandemya ag may una man nga kabuligang 109 ka mga aktibong kaso.
