Naghingabot sa ulihing adlaw sa pagdihon it Statement of Contribution and Expenditures ukon SOCE ro mga kandidato nga nagpailihir ko nagtaliwan nga May 9, 2022 national and local election sa Commission on Election.
Suno sa pila ka mga kandidato, makaron pa eamang sanda nakadihon it andang SOCE bangud nga may mga trabaho man sanda nga ginprayoridad samtang ro iba hay makaron pa eamang natapos it pagbreak down sa andang mga ginastos sa kampanya.
Ginpahayag nga haeos eksakto manlang man ro andang ginastos sa gintaeana nga kantidad it Comelec.
Suno kay Jetro Laserna, sambilog sa mga nagkandidato ko nagtaliwan nga eleksyon, importante nga makadihon it SOCE bangud nga strikto ro comelec pag-abot sa makarundaya nga butang.
Engkaso suno kana nga inde makadihon it nasambit nga dokumento hay may posibilidad nga inde ka eon pagtaw-an it kahigayunan it komisyon nga magkandidato it uman sa masunod nga eleksyon.
