Maabo katun ro indi makatueog kung owa it electric fan.

Ro iba hay gusto pa nga nakasteady kanda ro electric fan kung sanda hay nagakatueog.

Apang, base sa mga eksperto may pilang ka mga bukon it manami nga epekto ro ‘steady’ nga pagpaandar it electric fan kung nagakatueog ro sangka tawo.

Suno kay Dr. Raj Dasgupta, physician specializing sa internal medicine, pulmonology, critical care, ag sleep medicine sa Southern California, owa it seryoso nga risgo ro paggamit it electric fan apang pilang ka mga tawo ro naka-eksperyensya it mga ginakabig nga ‘irritating symptoms’.

Hara ro pila sa mga bukon it manami nga epekto sa paggamit it fan kada gabi-i;

Congestion ( ro nagacirculate nga hangin maghalin sa mga fans hay makapa dry it baba, ilong ag tutunlan)

Allergies (masami nga madaea sa hangin ro mga yab-uk, nga naga-trigger it allergies).

Gapamaea it mata ag panit.

Muscle aches (makatuga it muscle cramp ro hangin nga maghalin sa mga electric fan rason nga kung amat maeksperyensyahan ro masakit nga eawas kung magbugtaw).

Nagakadapat nga ibutang ro electric fan 2 to 3 feet away agud nga maprotektahan sa concentrated airflow.

Importante man nga regular nga limpyuhan ro fan blades agud masigurado nga indi raya pagtiniran it yab-uk.