KALIBO, Aklan—Pagaboe-on eon it Land Transportation Office ukon LTO ro stencil procedure sa engine ag chassis numbers sa renewal it registration it saeakyan.
Raya hay base sa memorandum circular nga may petsang Mayo 22, nga kun sa siin tuyo it LTO nga mapadali ro proseso it ahensiya sandig sa “Ease of Doing Business Act.”
Ginklaru ni Engr. Marlon Velez, head it LTO-Aklan nga maskin nga ginbo-oe ro pilang requirements, apang ro physical inspection it saeakyan hay required gihapon agud nga ma-verify kon ro nakabutang sa certificate of registration kapareho it plate number ag model hay nagakasinanto sa saeakyan kamana man nga ma-assess kon roadworthiness pa ro unit.
Ginklaru dugang ni Engr. Velez nga aplikable eamang ro memorandum circular sa mga plain renewal ukon owa imaw it dugang nga miscellaneous transaction kapareho it transfer of ownership.
Ro nagapanguna suno kana nga tuyo it stenciling hay agud nga i-verify ro identity it saeakyan.
