POLICE Report — Arestado ro sangka stepfather matapos mabuking it anang karelasyon nga puro hubeas nga video it uga ro sueod it anang cellphone sa San Jose Del Monte, Bulacan.
Nakilaea ro suspek nga si alyas Jude, 33 anyos, funeral helper, samtang ro biktima hay sangka 12 anyos nga babayeng gintago sa pangaeang Yanna parehong residente it Brgy. Sapang Palay.
Suno sa inisyal nga imbestigasyon, naaywan ro cellphone it suspek kat nagsueod raya sa anang trabaho rason nga kat nakita it anang karelasyon hay anang ginbuksan ag ginpakialaman.
Bangud sa pagkamausisa hay aksidenteng nabuksan ro cellphone it suspek hasta nga nakita kara ro mga video it anang unga nga nagapaligos sa CR.
Insigidang nagpangayo it bulig sa barangay ro mag-ina nga rumesponde sa lugar rason nga nadakpan ro suspek ag ko ulihi hay gindaea sa police station.
Ginkulong ro suspek bangud sa kasong pageabag sa RA 9995 ukon Anti-Photo and Video Voyeurism Act.
